Vaxandi félag

Rekstrarniðurstaða ársins endurspeglar styrk Búseta

Byggingarverkefni og kaup félagsins á nýjum fasteignum hefur fært félaginu margvísleg verðmæti, ekki síst með aukinni flóru fasteigna sem félagsmönnum standa til boða á áhugaverðum stöðum á höfuðborgarsvæðinu. Nýbyggingarverkefni Búseta hafa staðist áætlanir hvað varðar tíma og fjárhag og standast tímans tönn þegar kemur að hönnun og útfærslu.

Tekjur félagsins hækkuðu frá árinu 2022, en hækkun verðlags hefur bein áhrif á tekjur og gjöld félagsins til hækkunar. Tekjur vegna seldra búseturétta hækkuðu einnig sem er einna helst vegna þess að fleiri nýir búseturéttir voru seldir á árinu 2023 samanborið við árið 2022.

Á árinu 2023 var tekin ákvörðun um að nýta slagkraft og styrk félagsins til að fjárfesta í 133 fasteignum að Tangabryggju í Reykjavík af leigufélaginu Heimstaden. Slík aðgerð hefur tímabundið áhrif á eiginfjárhlutfallið til lækkunar en fjárfestingin verður að teljast skynsamleg til framtíðar enda finnur félagið fyrir mikilli eftirspurn. Vegna þessarar fjárfestingar lækkaði eiginfjárhlutfallið úr 46,1% í 42,1%, en það telst samt sem áður afar sterkt.

Árið 2023 litaðist af háu vaxtastigi í samfélaginu og háu verðlagi sem hefur áhrif á þau vaxtakjör sem félaginu bjóðast á markaði. Félagið gaf út skuldabréf tvisvar á árinu fyrir samtals 5.188 milljónir króna. Þessir fjármunir voru nýttir að hluta til að endurfjármagna lánalínur vegna nýbygginga auk þess að fjármagna hluta kaupanna á íbúðum við Tangabryggju 2-12 sem keyptar voru af leigufélaginu Heimstaden.

Lykiltölur úr rekstri

Eignir
Heildareignir samstæðu Búseta aukast um 11,2 milljarða milli áranna 2022 og 2023. Neðangreind mynd sýnir vöxtinn á árabilinu 2017 til 2023.

Eignir og eigið fé
Eiginfjárhlutfall félagsins var í árslok 2023 42,1%. Á árinu nýttist styrkur félagsins til að fjárfesta í 133 fasteignum í Reykjavík af leigufélaginu Heimstaden. Vegna þessarar fjárfestingar lækkaði eiginfjárhlutfallið úr 46,1% í 42,1%, en telst samt sem áður afar sterkt.

Rekstrarkostnaður
Eftirfarandi súlurit sýnir þróun rekstrarkostnaðar samstæðu í samhengi við fjölgun eigna.

Lykiltölur samstæðureiknings

SÆKJA SAMSTÆÐUÁRSREIKNING 2023

TIL BAKA